ບໍລິສັດ ຊີພີ ອໍລ໌ ລາວ ຈຳກັດ ຈັດພິທີເຮັດບຸນສຳນັກງານໃຫຍ່ ຕັ້ງຢູ່ຖະໜົນສຸພານຸວົງ ບ້ານໜອງປາໃນ ເມືອງສີໂຄດຕະບອງ ນະຄອນຫຼວງວຽງຈັນ ສປປ ລາວ ໂດຍໄດ້ຮັບກຽດຈາກ ທ່ານ ປິຍະວັດ ທິຕະສັດທາວໍລະກຸນ ຖິຕະສັດທາວຣກຸນ ຮອງປະທານກຳມະການບໍລິຫານ ບຈມ ຊີພີ ອໍລ໌, ທ່ານ ໄຊໂຣດ ທິວັດມັ່ນຈະເລີນ ຮອງກຳມະການຜູ້ຈັດການອາວຸໂສ ແລະ Managing Director International Business ຂອງບໍລິສັດ ຊີພີ ອໍລ໌ ຈຳກັດ (ມະຫາຊົນ), ທ່ານ ທາຕຣີ ຈິຣະບັນຈົງຈິດ Managing Director ຊີພີ ອໍລ໌ ລາວ ແລະ ອາຈານ ສິນ ຈັນປະທິນ ພ້ອມຄະນະຜູ້ບໍລິຫານເຂົ້າຮ່ວມງານ.
ໂດຍມີພະນັກງານທັງຊາວໄທ ແລະ ຊາວລາວ ເຂົ້າຮ່ວມງານ ໂດຍພ້ອມພຽງກັນເພື່ອຄວາມເປັນມຸງຄົນ ແລະ ຕື່ມຂວັນກຳລັງໃຈໃຫ້ຜູ້ບໍລິຫານ ແລະ ພະນັກງານ ໃຫ້ເຮັດວຽກໄດ້ຢ່າງຮາບຮື່ນບໍ່ມີອຸປະສັກ.
ຊີພີ ອໍລ໌ ໄດ້ດຳເນີນທຸລະກິດຕາມແນວທາງຄ່ານິຍົມ 3 ປະໂຫຍດຂອງເຄືອຈະເລີນໂພກພັນ ໄດ້ແກ່ ສ້າງປະໂຫຍດໃຫ້ປະເທດຊາດ, ປະຊາຊົນ, ແລະອົງກອນ ລວມທັງດຳເນີນທຸລະກິດພາຍໃຕ້ປະນິທານ ‘Giving and Sharing’ ຂອງຊີພີ ອໍລ໌ ເພື່ອເປັນຮ້ານສະດວກຊື້ຄູ່ຊຸມຊົນ ແລະ ສັງຄົມຢ່າງຢັ່ງຢືນ. ຜ່ານມາ ຊີພີ ອໍລ໌ ໄດ້ດຳເນີນທຸລະກິດຮ້ານເຊເວ່ນ ອີເລຟເວ່ນ ໃນສປປ ລາວ ໂດຍເປີດໃຫ້ບໍລິການແລ້ວທັງໝົດ 6 ສາຂາ, ຢູ່ໃນນະຄອນຫຼວງວຽງຈັນ 5 ສາຂາ ແລະ ຢູ່ນະຄອນປາກເຊ ແຂວງຈຳປາສັກ 1 ສາຂາ, ແລະ ເມື່ອເດືອນມິຖຸນາທີ່ຜ່ານມາ ມີຮ້ານເຊເວ່ນອີເລຟເວ່ນ ເປີດໃໝ່ຕື່ມອີກຢູ່ໃນນະຄອນຫຼວງວຽງຈັນ ນັ່ນຄື ສາຂາທົ່ງຂັນຄຳ ແລະ ສາຂາໂພນສີນວນ.
