ທ່ານ ທາຕຣີ ຈິຣະບັນຈົງຈິດ Managing Director ຂອງບໍລິສັດ ຊີພີ ອໍລ໌ ລາວ ຈຳກັດ ພ້ອມກັບ ທ່ານ ຈົງລັກ ຄຸບຕະຈິດ ຜູ້ຊ່ວຍກຳມະການຜູ້ຈັດການ, ທ່ານ ພັດທະນະພົງ ພັດທະນະວົງໄພສານ ຮອງຜູ້ຈັດການທົ່ວໄປ ຂອງບໍລິສັດ ຊີພີ ອໍລ໌ ຈຳກັດ (ມະຫາຊົນ) ແລະ ພະນັກງານຂອງ ຊີພີ ອໍລ໌ ລາວ ໄດ້ຮ່ວມກັນມອບນ້ຳແຮ່ ເຊເວັ່ນ ຊີແລັກ ຂະໜາດ 350 ມລ ມູນຄ່າລວມ 10,000,000 ກີບ ໃຫ້ກັບກະຊວງແຮງງານ ແລະ ສະຫວັດດິການສັງຄົມ ແຫ່ງ ສປປ ລາວ ໃນນາມຄະນະກຳມະການຄຸ້ມຄອງໄພພິບັດແຫ່ງຊາດ ຂັ້ນສູນກາງ ໂດຍມີ ທ່ານ ລີປາວ ຍ່າງ ຮອງລັດທະມົນຕີ ກະຊວງແຮງງານ ແລະ ສະຫວັດດິການສັງຄົມ ເປັນຜູ້ຕາງໜ້າຮັບມອບ.
ຊີພີ ອໍລ໌ ລາວ ຍຶດໝັ້ນໃນຄ່ານິຍົມ 3 ປະໂຫຍດ ຂອງເຄືອຈະເລີນໂພກພັນ ແລະ ປະນິທານ “Giving and Sharing” ຂອງ ຊີພີ ອໍລ໌ ລວມທັງນະໂຍບາຍຄວາມຢັ່ງຢືນ ສ້າງຊຸມຊົນອຸ່ນໃຈ ໃນຖານະຮ້ານສະດວກຊື້ຄູ່ຊຸມຊົນ ແລະ ສັງຄົມ.
