ເຊເວັ່ນ ອີເລັເວັ່ນ ລາວ ສະຫຼອງຄົບຮອບ 1 ປີ ດ້ວຍການຈັດກິດຈະກຳພິເສດ ເພື່ອເປັນການຂອບໃຈລູກຄ້າ ທີ່ໃຫ້ການຕ້ອນຮັບ ເຊເວັ່ນ ອີເລັເວັ່ນ ເປັນຢ່າງດີ ນັບຕັ້ງແຕ່ເປີດສາຂາທຳອິດ ເມື່ອວັນທີ 7 ກັນຍາ 2023. ໄດ້ມີການຈັດກິດຈະກຳຢູ່ບໍລິເວນໜ້າຮ້ານ ສາຂາ 60001 Soupanuvong Ave. ຢູ່ນະຄອນຫຼວງວຽງຈັນ ສປປ ລາວ ເຊິ່ງມີ ທ່ານນາງ ແກ້ວໃຈ ສີວັນ ຜູ້ຈັດການທົ່ວໄປ ດ້ານ International Commercial & Purchasing ໜ່ວຍງານ International ແລະ ເທ່ານ ສຸຣິຍົນ ອຸປະທະ ຜູ້ຊ່ຽວຊານ ຝ່າຍ Store Operation (Laos) ໜ່ວຍງານ International ຂອງບໍລິສັດ ຊີພີ ອໍລ໌ ຈຳກັດ (ມະຫາຊົນ) ພ້ອມກັບພະນັກງານ ຊີພີ ອໍລ໌ ແລະ ຊີພີ ອໍລ໌ ລາວ ຮ່ວມຕ້ອນຮັບລູກຄ້າທີ່ມາໃຊ້ບໍລິການ.
ເຊເວັ່ນ ອີເລັເວັ່ນ ຢູ່ໃນ ສປປ ລາວ ປະຈຸບັນໄດ້ມີການຂະຫຍາຍສາຂາແລ້ວ ທັງໃນນະຄອນຫຼວງວຽງຈັນ, ແຂວງຈຳປາສັກ, ແລະ ແຂວງສະຫວັນນະເຂດ ແລະ ກຳລັງຈະເປີດສາຂາທຳອິດຢູ່ໃນເມືອງວັງວຽງ ແຂວງວຽງຈັນ.
