ເມື່ອວັນທີ 17 ສິງຫາ 2025 ເວລາ 13.10 ໂມງ ລູກຄ້າເຂົ້າມາໃຊ້ບໍລິການທີ່ຮ້ານ 7-Eleven ສາຂາ 60004 Bansanamxay ນະຄອນປາກເຊ ແຂວງ ຈໍາປາສັກ ແລະເຮັດໂທລະສັບມືຖືເຮ່ຍ ບໍລິເວນເຄົາເຕີຊຳລະເງິນ ທ້າວ ໄຊລຸ້ງ ຄຳວົງສີ ຜູ້ຊ່ວຍຜູ້ຈັດການຮ້ານພົບເຂົ້າຈຶ່ງເກັບຮັກສາເອົາໄວ້ ຕໍ່ມາລູກຄ້າໄດ້ເຂົ້າໄປຮັບຄືນຮຽບຮ້ອຍ
ທ້າວ ໄຊລຸ້ງ ກ່າວວ່າ ໃນຖານະພະນັກງານ 7-Eleven ຕົນເອງເຕັມໃຈຊ່ວຍເຫຼືອລູກຄ້າ ແລະສົ່ງມອບບໍລິການດີໆໃຫ້ລູກຄ້າສະເໝີ
ເມື່ອວັນທີ 9 ສິງຫາ 2025 ເວລາ 18.30 ໂມງ ລູກຄ້າເຂົ້າມາໃຊ້ບໍລິການທີ່ຮ້ານ 7-Eleven ສາຂາ 60004 Bansanamxay ນະຄອນປາກເຊ ແຂວງ ຈຳປາສັກ ແລ້ວລືມໂທລະສັບມືຖືໄວ້ບໍລິເວນເຄົາເຕີຊຳລະເງິນ ນາງ ສຸກສະໝອນ ສຸວັນນະຈັກ ພະນັກງານຮ້ານຈຶ່ງເກັບເອົາໄວ້ໃຫ້ ຕໍ່ມາລູກຄ້າໂທກັບເຂົ້າມາແລະຮູ້ວ່າໂທລະສັບຢູ່ທີ່ຮ້ານ ຈຶ່ງເຂົ້າມາຮັບຄືນເປັນທີ່ຮຽບຮ້ອຍ
ເມື່ອວັນທີ 21 ພຶດສະພາ 2025 ເວລາປະມານ 13.20 ໂມງ. ເກີດອຸປະຕິເຫດລົດໃຫຍ່ຕຳກັບລົກຈັກໃກ້ໆຮ້ານ 7-Eleven ສາຂາ ຕະຫຼາດເຂດ ມໍຊໍ ດົງໂດກ ນະຄອນຫຼວງວຽງຈັນ ນ້ອງພະນັກງານ 3 ຄົນ ໄດ້ແກ່ ນາງ ສຸລິສາ ສຸລິເວດ ຜູ້ຈັດການຮ້ານ ນາງ ວາດສະໜາ ທອງມະນີ ຜູ້ຊ່ວຍຜູ້ຈັດການຮ້ານ ແລະ ນາງ ສຸນິຕາ ສິງຫາ ຜູ້ຊ່ວຍຜູ້ຈັດການຮ້ານ ຈຶ່ງໄດ້ຮີບເຂົ້າໄປຊ່ວຍເຫຼືອປະຖົມພະຍາບານຜູ້ໄດ້ຮັບບາດເຈັບເບື້ອງຕົ້ນ ລະຫວ່າງລໍຖ້າເຈົ້າໜ້າທີ່ກູ້ໄພມາເຖິງ ນ້ອງໆ ກ່າວວ່າ ຮູ້ສຶກດີໃຈຫຼາຍທີ່ໄດ້ທຳຄວາມດີ ແລະ ໄດ້ເປັນແບບຢ່າງທີ່ດີໃຫ້ກັບເພື່ອນພະນັກງານທຸກຄົນ ແລະ ໂລ່ງໃຈຫຼາຍ ທີ່ຜູ້ປະສົບອຸປະຕິເຫດປອດໄພດີ ນີ້ເປັນອີກໜຶ່ງ DNA ຄວາມດີ 24 ຊົ່ວໂມງ ຂອງພວກເຮົາຊາວ ຊີພີ ອໍລ໌ ລາວ
ເມື່ອວັນທີ 3 ພຶດສະພາ 2025 ເວລາປະມານ 00.03 ທີ່ຮ້ານ 7-Eleven ສາຂາ 60003 TALADKHET MOR XOR DONGDOK ນະຄອນຫຼວງວຽງຈັນ ນາງ ວາດສະໜາ ທອງມະນີ ຜູ້ຊ່ວຍຜູ້ຈັດການຮ້ານ ໄດ້ພົບເຫັນກະເປົ໋າເງິນອັນໜຶ່ງຕົກຢູ່ໃນຮ້ານ ຈຶ່ງເກັບຮັກສາເອົາໄວ້ແລ້ວປະສານງານຕິດຕໍ່ຈົນພົບເຈົ້າຂອງ ເປັນລູກຄ້າທີ່ມາໃຊ້ບໍລິການ ເຂົ້າມາຮັບຄືນໃນມື້ຕໍ່ມາ ໂດຍນ້ອງກ່າວເຖິງການທຳຄວາມດີໃນຄັ້ງນີ້ວ່າ ຮູ້ສຶກດີໃຈທີ່ໄດ້ທຳຄວາມດີ ແລະ ໄດ້ເປັນແບບຢ່າງທີ່ດີໃຫ້ກັບພະນັກງານທຸກຄົນ ດີໃຈທີ່ໄດ້ສົ່ງມອບກະເປົ໋າຄືນ ແລະ ໄດ້ເຫັນຮອຍຍິ້ມຂອງລູກຄ້າ
ເມື່ອວັນທີ 12 ມີນາ 2025 ເກີດເຫດການລົດຈັກຕຳກັນ ບໍລິເວນໜ້າຮ້ານ ທ້າວ ສຸກນິລັນ ດວງແກ້ວ ຜູ້ຊ່ວຍຜູ້ຈັດການຮ້ານເຊເວັ່ນ ສາຂາ SOUPHANOUVONG Ave. (60001) ເຊິ່ງກຳລັງປະຕິບັດງານຢູ່ບໍລິເວນໜ້າຮ້ານ ໄດ້ເຫັນເຫດການດັ່ງກ່າວ ຈຶ່ງຮີບເຂົ້າມາແຈ້ງຜູ້ຊ່ວຍຜູ້ຈັດການ ແລະນ້ອງພະນັກງານໃນຮ້ານ ເພື່ອເຂົ້າຊ່ວຍເຫຼືອຜູ້ບາດເຈັບແລະປະຖົມພະຍາບານໃຫ້ເບື້ອງຕົ້ນ ຫຼັງຈາກນັ້ນໄດ້ຮີບໂທແຈ້ງໜ່ວຍກູ້ໄພໃນພື້ນທີ່ໃຫ້ນຳໂຕຜູ້ບາດເຈັບສົ່ງໂຮງໝໍ ແລະຊ່ວຍປະສານງານຄູ່ກໍລະນີ ເຊິ່ງເປັນຜູ້ພິການທາງການໄດ້ຍິນກັບເຈົ້າໜ້າທີ່ຕຳຫຼວດ ໃຫ້ເຂົ້າມາເຈລະຈາຈົນສຳເລັດ ທ້າວ ສຸກນິລັນ ບອກວ່າ ” ເຮົາທຸກຄົນຮູ້ສຶກດີໃຈທີ່ໄດ້ຊ່ວຍເຫຼືອສັງຄົມ ແລະສ້າງຄວາມເຊື່ອໝັ້ນ ແລະເປັນແບບຢ່າງທີ່ດີໃຫ້ກັບໝູ່ເພື່ອນພະນັກງານຂອງເຮົາ “ ເລື່ອງລາວຂອງຮ້ານເຊເວັ່ນ ສາຂາ SOUPHANOUVONG Ave. (60001) ເປັນອີກໜຶ່ງເລື່ອງລາວທີ່ໜ້າຊື່ນຊົມ ໃນການໃຫ້ຄວາມຊ່ວຍເຫຼືອຜູ້ທີ່ເດືອດຮ້ອນ ເປັນແບບຢ່າງໃນການທຳຄວາມດີ ສ້າງເສີມແສນຄົນແສນຄວາມດີໃຫ້ເກີດຂຶ້ນທົ່ວອົງກອນ
