ມື້ນີ້ວັນທີ 12 ເມສາ 2024 ພະນັກງານ ແລະ ຜູ້ບໍລິຫານຂອງ ບໍລິສັດ ຊີພີ ອໍ ລາວ ຈຳກັດ ແລະ ເຊເວ່ນ ອີເລຟເວ່ນ ລາວ ນຳໂດຍ ທ່ານຍານວຸດ ຂາວສີ ຮອງຜູ້ຈັດການທົ່ວໄປ ຝ່າຍ Store Operation (Laos) ໜ່ວຍວຽກ International ແລະ ທ່ານ ສຸຣິຍົນ ອຸປະທະ ຜູ້ຊ່ຽວຊານ ຝ່າຍ Store Operation (Laos) ໜ່ວຍວຽກ International ໄດ້ຮ່ວມກັນສືບສານປະເພນີວັດທະນະທຳອັນດີງາມ ເນື່ອງໃນໂອກາດຂຶ້ນປີໃໝ່ລາວ ມີການຈັດພິທີສົງນ້ຳພະ ລົດນ້ຳດຳຫົວ ຜູກຂໍ້ມືຂໍພອນ ເພື່ອຄວາມເປັນມຸງຄົນ ແລະ ຮັບປະທານອາຫານຮ່ວມກັນ ເພື່ອຄວາມສາມັກຄີເປັນນ້ຳໜຶ່ງໃຈດຽວກັນ.
ກ່ອນໜ້ານີ້ ຢູ່ສາຂາ 60004 BANSANAMXAY ນະຄອນປາກເຊ ແຂວງຈຳປາສັກ ບັນດາພະນັກງານຂອງຮ້ານເຊເວ່ນ ອີເລຟເວ່ນ ໄດ້ຮ່ວມກິດຈະກຳ ເຮັດບຸນຕັກບາດ ກັບພະແນກກຖະແຫຼງຂ່າວ ວັດທະນະທຳ ແລະ ການທ່ອງທ່ຽວ ແຂວງຈຳປາສັກ ແລະ ຫ້ອງວ່າການປົກຄອງເມືອງໄຊເສດຖາ ຊຶ່ງບໍ່ພຽງແຕ່ເປັນການສົ່ງເສີມຄ່ານິຍົມອັນດີງາມ ແຕ່ຍັງເຮັດໃຫ້ເຫັນວ່າຮ້ານເຊເວ່ນ ເປັນຮ້ານສະດວກຊື້ຄູ່ຊຸມຊົນ ແລະ ສັງຄົມນຳ.
