ທ່ານ ໄຊໂຣດ ທີວັດໝັ້ນຈະເລີນ ຮອງກຳມະການຜູ້ຈັດການອາວຸໂສ ແລະ Managing Director International ບໍລິສັດ ອໍລ໌ ຈຳກັດ (ມະຫາຊົນ) ເປີດເຮືອນຕ້ອນຮັບກະຊວງອຸດສາຫະກຳ ແລະ ການຄ້າແຫ່ງ ສປປ ລາວ ນຳໂດຍ ທ່ານ ສັນຕິສຸກ ພູນສະຫວັດ ອະທິບໍດີກົມການຄ້າພາຍໃນ ແລະ ຄະນະຜູ້ບໍລິຫານລະດັບສູງ ຮ່ວມແລກປ່ຽນປະສົບການ ຄວາມຮູ້ກ່ຽວກັບການຂາຍຍ່ອຍສະໄໝໃໝ່ ເພື່ອນຳເອົາຂໍ້ມູນໄປພັດທະນາວຽກງານສະໜັບສະໜູນຜູ້ປະກອບການທ້ອງຖິ່ນ ໂດຍສະເພາະຜູ້ປະກອບການຮາຍຍ່ອຍ ຊຶ່ງ ຊີພີ ອໍລ໌ ໃຫ້ຄວາມສຳຄັນຢ່າງຫຼາຍໃນການເຂົ້າໄປດຳເນີນທຸລະກິດໃນ ສປປ ລາວ ໂດຍຍຶດໝັ້ນໃນຄ່ານິຍົມ 3 ປະໂຫຍດຂອງເຄືອຈະເລີນໂພກພັນ.
ນອກຈາກນີ້ ຄະນະຢັງໄດ້ຢ້ຽມຊົມ ແລະ ຮັບຟັງບັນຍາຍສະຫຼຸບຈາກສະຖາບັນເຕັກໂນໂລຊີປັນຍາພິວັດ (PIM) ສະຖາບັນການສຶກສາເພື່ອສັງຄົມໃນກຸ່ມ ຊີພີ ອໍລ໌ ຊຶ່ງໄດ້ມອບທຶນການສຶກສາຂອງບໍລິສັດ ຊີພີ ອໍລ໌ ຈຳກັດ (ມະຫາຊົນ) ໃຫ້ກັບສາທາລະນະລັດ ປະຊາທິປໄຕ ປະຊາຊົນລາວ (CP ALL Scholarship for Laos) ປີລະ 60 ທຶນ ຢູ່ໃນຄະນະບໍລິຫານທຸລະກິດຢ່າງຕໍ່ເນື່ອງ ມາຕັ້ງແຕ່ປີ 2019 ຕາມຄວາມມຸ້ງໝາຍ Giving and Sharing.
