DNA ຄວາມດີ 24 ຊົ່ວໂມງ

ເມື່ອວັນທີ 8 ຕຸລາ 2025 ເວລາ 01.40 ໂມງ ພະນັກງານຮ້ານ 7-Eleven ສາຂາ 60002 KAMPHAENGMUEANG ໃນນະຄອນຫຼວງວຽງຈັນ ໄດ້ແກ່ ທ້າວ ສຸລິສັກ ແກ້ວເມືອງທະນົງ (ໂຈອີ້) ຜູ້ຊ່ວຍຜູ້ຈັດການຮ້ານ ທ້າວ ສຸລິເດດ ລາດຊູວົງ (ຕ້ອມ) ພະນັກງານຮ້ານ ແລະ ທ້າວ ເອເທນ ສີສຳລານ (ກີຕ້າ) ພະນັກງານຮ້ານ ກຳລັງປະຕິບັດໜ້າທີ່ຢູ່ພາຍໃນຮ້ານ ໄດ້ເກີດອຸບັດຕິເຫດລົດໃຫຍ່ຕັດໜ້າລົດຈັກຈົນລົ້ມ ເຮັດໃຫ້ຜູ້ຂັບຂີ່ໄດ້ຮັບບາດເຈັບ ໝົດສະຕິ ທັ້ງ 3 ຄົນ ຈຶ່ງຟ້າວເຂົ້າໄປປະຖົມພະຍາບານເບື້ອງຕົ້ນ ຈົນໜ່ວຍກູ້ໄພມາຮອດ ນ້ອງໆກ່າວວ່າ ຮູ້ສຶກມີຄວາມສຸກຫຼາຍທີ່ໄດ້ຊ່ວຍຜູ້ບາດເຈັບ ແລະ ດີໃຈຫຼາຍທີ່ໄດ້ທຳຄວາມດີ ໄດ້ເປັນແບບຢ່າງທີ່ດີໃຫ້ກັບພະນັກງານ

ເມື່ອວັນທີ 8 ຕຸລາ 2025 ເວລາປະມານ 10.56 ໂມງ ນາງ ລັດຕິຍາກອນ ອຸປຣາວັນ (ນ້ອງແອງຈີ້) ຜູ້ຊ່ວຍຜູ້ຈັດການຮ້ານ 7-Eleven ສາຂາ 60014 LPB PHOSY ກຳລັງປະຕິບັດໜ້າທີ່ ແລ້ວໄດ້ພົບເຫັນ iPad ທີ່ລູກຄ້າວາງລືມໄວ້ບໍລິເວນເຄົາເຕີ້ເຄື່ອງດື່ມ ຈຶ່ງນຳມາຝາກໄວ້ກັບຜູ້ຈັດການຮ້ານເກັບຮັກສາແລະກວດສອບຫາເຈົ້າຂອງ ຕໍ່ມາລູກຄ້າຄົນຕ່າງປະເທດໄດ້ເຂົ້າມາຊອກຫາ ຈຶ່ງໄດ້ມອບຄືນໃຫ້ເຈົ້າຂອງ ນ້ອງແອງຈີ້ກ່າວວ່າ ດີໃຈທີ່ໄດ້ທຳຄວາມດີ ໄດ້ຊ່ວຍເຫຼືອລູກຄ້າ ເປັນສ່ວນໜຶ່ງໃນອົງກອນໃນການຊ່ວຍເຫຼືອສັງຄົມ ເພື່ອເປັນແບບຢ່າງທີ່ດີໃຫ້ກັບເພື່ອນພະນັກງານ ເຮັດໃຫ້ລູກຄ້າເຊື່ອໝັ້ນໃນການບໍລິການຂອງ 7-Eleven

ເມື່ອວັນທີ 17 ສິງຫາ 2025 ເວລາ 13.10 ໂມງ ລູກຄ້າເຂົ້າມາໃຊ້ບໍລິການທີ່ຮ້ານ 7-Eleven ສາຂາ 60004 Bansanamxay ນະຄອນປາກເຊ ແຂວງ ຈໍາປາສັກ ແລະເຮັດໂທລະສັບມືຖືເຮ່ຍ ບໍລິເວນເຄົາເຕີຊຳລະເງິນ ທ້າວ ໄຊລຸ້ງ ຄຳວົງສີ ຜູ້ຊ່ວຍຜູ້ຈັດການຮ້ານພົບເຂົ້າຈຶ່ງເກັບຮັກສາເອົາໄວ້ ຕໍ່ມາລູກຄ້າໄດ້ເຂົ້າໄປຮັບຄືນຮຽບຮ້ອຍ ທ້າວ ໄຊລຸ້ງ ກ່າວວ່າ ໃນຖານະພະນັກງານ 7-Eleven ຕົນເອງເຕັມໃຈຊ່ວຍເຫຼືອລູກຄ້າ ແລະສົ່ງມອບບໍລິການດີໆໃຫ້ລູກຄ້າສະເໝີ

ເມື່ອວັນທີ 9 ສິງຫາ 2025 ເວລາ 18.30 ໂມງ ລູກຄ້າເຂົ້າມາໃຊ້ບໍລິການທີ່ຮ້ານ 7-Eleven ສາຂາ 60004 Bansanamxay ນະຄອນປາກເຊ ແຂວງ ຈຳປາສັກ ແລ້ວລືມໂທລະສັບມືຖືໄວ້ບໍລິເວນເຄົາເຕີຊຳລະເງິນ ນາງ ສຸກສະໝອນ ສຸວັນນະຈັກ ພະນັກງານຮ້ານຈຶ່ງເກັບເອົາໄວ້ໃຫ້ ຕໍ່ມາລູກຄ້າໂທກັບເຂົ້າມາແລະຮູ້ວ່າໂທລະສັບຢູ່ທີ່ຮ້ານ ຈຶ່ງເຂົ້າມາຮັບຄືນເປັນທີ່ຮຽບຮ້ອຍ

ເມື່ອວັນທີ 3 ພຶດສະພາ 2025 ເວລາປະມານ 00.03 ທີ່ຮ້ານ 7-Eleven ສາຂາ 60003 TALADKHET MOR XOR DONGDOK ນະຄອນຫຼວງວຽງຈັນ ນາງ ວາດສະໜາ ທອງມະນີ ຜູ້ຊ່ວຍຜູ້ຈັດການຮ້ານ ໄດ້ພົບເຫັນກະເປົ໋າເງິນອັນໜຶ່ງຕົກຢູ່ໃນຮ້ານ ຈຶ່ງເກັບຮັກສາເອົາໄວ້ແລ້ວປະສານງານຕິດຕໍ່ຈົນພົບເຈົ້າຂອງ ເປັນລູກຄ້າທີ່ມາໃຊ້ບໍລິການ ເຂົ້າມາຮັບຄືນໃນມື້ຕໍ່ມາ ໂດຍນ້ອງກ່າວເຖິງການທຳຄວາມດີໃນຄັ້ງນີ້ວ່າ ຮູ້ສຶກດີໃຈທີ່ໄດ້ທຳຄວາມດີ ແລະ ໄດ້ເປັນແບບຢ່າງທີ່ດີໃຫ້ກັບພະນັກງານທຸກຄົນ ດີໃຈທີ່ໄດ້ສົ່ງມອບກະເປົ໋າຄືນ ແລະ ໄດ້ເຫັນຮອຍຍິ້ມຂອງລູກຄ້າ

ເມື່ອວັນທີ 12 ມີນາ 2025 ເກີດເຫດການລົດຈັກຕຳກັນ ບໍລິເວນໜ້າຮ້ານ ທ້າວ ສຸກນິລັນ ດວງແກ້ວ ຜູ້ຊ່ວຍຜູ້ຈັດການຮ້ານເຊເວັ່ນ ສາຂາ SOUPHANOUVONG Ave. (60001) ເຊິ່ງກຳລັງປະຕິບັດງານຢູ່ບໍລິເວນໜ້າຮ້ານ ໄດ້ເຫັນເຫດການດັ່ງກ່າວ ຈຶ່ງຮີບເຂົ້າມາແຈ້ງຜູ້ຊ່ວຍຜູ້ຈັດການ ແລະນ້ອງພະນັກງານໃນຮ້ານ ເພື່ອເຂົ້າຊ່ວຍເຫຼືອຜູ້ບາດເຈັບແລະປະຖົມພະຍາບານໃຫ້ເບື້ອງຕົ້ນ ຫຼັງຈາກນັ້ນໄດ້ຮີບໂທແຈ້ງໜ່ວຍກູ້ໄພໃນພື້ນທີ່ໃຫ້ນຳໂຕຜູ້ບາດເຈັບສົ່ງໂຮງໝໍ ແລະຊ່ວຍປະສານງານຄູ່ກໍລະນີ ເຊິ່ງເປັນຜູ້ພິການທາງການໄດ້ຍິນກັບເຈົ້າໜ້າທີ່ຕຳຫຼວດ ໃຫ້ເຂົ້າມາເຈລະຈາຈົນສຳເລັດ ທ້າວ ສຸກນິລັນ ບອກວ່າ ” ເຮົາທຸກຄົນຮູ້ສຶກດີໃຈທີ່ໄດ້ຊ່ວຍເຫຼືອສັງຄົມ ແລະສ້າງຄວາມເຊື່ອໝັ້ນ ແລະເປັນແບບຢ່າງທີ່ດີໃຫ້ກັບໝູ່ເພື່ອນພະນັກງານຂອງເຮົາ “ ເລື່ອງລາວຂອງຮ້ານເຊເວັ່ນ ສາຂາ SOUPHANOUVONG Ave. (60001) ເປັນອີກໜຶ່ງເລື່ອງລາວທີ່ໜ້າຊື່ນຊົມ ໃນການໃຫ້ຄວາມຊ່ວຍເຫຼືອຜູ້ທີ່ເດືອດຮ້ອນ ເປັນແບບຢ່າງໃນການທຳຄວາມດີ ສ້າງເສີມແສນຄົນແສນຄວາມດີໃຫ້ເກີດຂຶ້ນທົ່ວອົງກອນ

ເກີດອຸບັດຕິເຫດລົດຈັກລົ້ມບໍລິເວນກ່ອນຈະຮອດຮ້ານເຊເວັ່ນ ອີເລຟເວັ່ນ ສາຂາ 60004 BANSANAMXAY ແຂວງ ຈຳປາສັກ ສປປ ລາວ ນ້ອງ KINO SIVONGSA ພະນັກງານເຊເວັ່ນ ແລະ ANAN BOUPHAVAN ຜູ້ຊ່ວຍຜູ້ຈັດການຮ້ານ ຮີບອອກໄປເບິ່ງສະຖານະການ ແລະ ໃຫ້ການຊ່ວຍເຫຼືອປະຖົມພະຍາບານເບື້ອງຕົ້ນ ເຮັດໃຫ້ຜູ້ບາດເຈັບສາມາດຂັບລົດກັບບ້ານໄດ້ຢ່າງປອດໄພ