ກອງປະຊຸມສຸດຍອດຜູ້ນຳອາຊຽນ ແລະ ກອງປະຊຸມອື່ນໆ ທີ່ກ່ຽວຂ້ອງ ຄັ້ງທີ 44 ແລະ 45 (44th and 45th ASEAN Summits and Related Summits) ຢູ່ ນະຄອນຫຼວງວຽງຈັນ ສປປ ລາວ ໄດ້ເລີ້ມຕົ້ນຢ່າງເປັນທາງການແລ້ວ ຕັ້ງແຕ່ວັນທີ 8 ຕຸລາ ທີ່ຜ່ານມາ ຖືເປັນເວທີລະດັບພາກພື້ນທີ່ສຳຄັນ ບໍ່ພຽງແຕ່ເປັນການລວມຕົວຂອງຜູ້ນຳໃນພາກພື້ນອາຊຽນ ແຕ່ຍັງມີປະເທດຄູ່ເຈລະຈາ ທັງໝົດກວ່າ 20 ປະເທດ ເຮັດໃຫ້ບັນຍາກາດໃນນະຄອນຫຼວງວຽງຈັນເປັນໄປຢ່າງຄຶກຄັກ ຈາກຜູ້ມາເຂົ້າຮ່ວມ ທັງພາກລັດ, ເອກະຊົນ, ສື່ມວນຊົນ ເຊິ່ງທາງລັດຖະບານແຫ່ງ ສປປ ລາວ ໄດ້ຂໍຄວາມຮ່ວມມືຈາກປະຊາຊົນ ແລະ ພາກສ່ວນຕ່າງໆພ້ອມໃຈກັນຮ່ວມເປັນເຈົ້າບ້ານທີ່ດີ ເພື່ອໃຫ້ພາລະກິດຄັ້ງນີ້ສຳເລັດລຸລ່ວງ ສ້າງຄວາມປະທັບ ແລະ ເປັນພາບລັກທີ່ດີຂອງປະເທດ.
ໂອກາດນີ້ ເຊເວັ່ນ ອີເລຟເວັ່ນ ລາວ ພາຍໃຕ້ການບໍລິຫານຂອງ ບໍລິສັດ ຊີພີ ອໍລ໌ ລາວ ຈຳກັດ ໃນກຸ່ມ ຊີພີ ອໍລ໌ ເຊິ່ງຍຶດໝັ້ນໃນແນວທາງ 3 ປະໂຫຍດຂອງເຄືອຈະເລີນໂພກພັນ ນັ່ນຄື ປະໂຫຍດຕໍ່ປະເທດຊາດ, ປະຊາຊົນ, ແລະ ອົງກອນຈັດຕັ້ງ ຈຶ່ງໄດ້ສະໜັບສະໜູນຜູ້ປະກອບທ້ອງຖິ່ນ PANGTHONG BAKERY SOLE CO.,LTD ຜູ້ຜະລິດສິນຄ້າຂະໜົມປັງ ພາຍໃຕ້ແບຣນ “ປັງທອງ” ເຊິ່ງເປັນຄູ່ຮ່ວມຄ້າທີ່ເຕີບໂຕຄວບຄູ່ກັບ ເຊເວັ່ນ ອີເລຟເວັ່ນ ລາວ ມາຕັ້ງແຕ່ສາຂາທຳອິດ ໃຫ້ໄດ້ເປັນຕົວແທນເຂົ້າ ຮ່ວມກິດຈະກຳໃນສ່ວນຂອງສູນສື່ມວນຊົນ (Media Center) ພາຍໃຕ້ກະຊວງການຕ່າງປະເທດ ແລະ ກະຊວງຖະແຫຼງຂ່າວ, ວັດທະນະທຳ ແລະ ການທ່ອງທ່ຽວ ແຫ່ງ ສປປ ລາວ ເພື່ອເຜີຍແຜ່ສິນຄ້າ ແລະ ສະແດງສັກກະຍະພາບຂອງຜູ້ປະກອບການທ້ອງຖິ່ນ ຜ່ານສາຍຕາສື່ມວນຊົນທ້ອງຖິ່ນ ແລະ ສື່ຕ່າງປະເທດ ທີ່ມາຮ່ວມກອງປະຊຸມກວ່າ 500 ຄົນ ຖືເປັນອີກໜຶ່ງການສ້າງຄວາມພູູມໃຈໃຫ້ຄົນລາວ.
ການສະໜັບສະໜູນຜູ້ປະກອບການ ແລະ ສິນຄ້າທ້ອງຖິ່ນ ແມ່ນໜຶ່ງພາລະກິດຂອງ ເຊເວັ່ນ ອີເລຟເວັ່ນ ລາວ ຕາມນະໂຍບາຍສ້າງວຽກງານ ສ້າງອາຊີບ ເພື່ອໃຫ້ ເຊເວັ່ນ ອີເລຟເວັ່ນ ເປັນຮ້ານສະດວກຊື້ຄູ່ຊຸມຊົນ ແລະ ສັງຄົມ ເຕີບໂຕໄປພ້ອກັບ ສປປ ລາວ ຢ່າງຢັ່ງຢືນ.
